Home / Networking / What is Wi-Fi?
what is wi fi 1

What is Wi-Fi?

What is Wi-Fi?கணினி மற்றும் கணினி சார்ந்த உபகரணங்களிடையிலான கம்பியில்லாத் தொடர்பாடலைக் குறிக்கும் ஒரு சொல்லே (Wi-Fi) வைபை. இந்த Wi-Fi எனும் வார்த்தை Wireless Fidelity எனும் இரு வார்த்தைகளிலிருந்து உருவானது. வைபை இணைப்பில் கம்பிகளுக்குப் பதிலாக வழமையான ரேடியோ அலைகளே டேட்டாவை அனுப்புவதற்கும் பெறுவதற்கும் பயன் படுத்தப்படுகிறது.

What is Wi-Fi?

கம்பி மூலம் இணைக்கப்பட்ட உள்ளக வலயமைப்பை LAN என்பது போல் கம்பியில்லா இந்த உள்ளக வலையமைப்பை WLAN (Wireless Local Area Network) எனப்படுகிறது.

நீங்கள் அதி வேக இணைய இணைப்பைப் பெறுவதற்கு கம்பியில்லா ரவுட்டர் (Router) சாதனம் பயன்படுத்துவதாயிருந்தால் நீங்களும் வைபை பயன் படுத்துகிறீர்கள் என்பதைத் தெரிந்து கொள்ளுங்கள்.

செல்போன், தொலைக் காட்சி, வானொலி போன்று இந்த கம்பியில்லா வைபை தொழில் நுட்பத்தில் ரேடியோ அலைகள் பயன் படுத்தப்படுகின்றன.. இதற்கு 2.4GHz அலை வரிசை பயன் படுத்தப்படுகிறது. எனினும் வனொலி, தொலைக் காட்சி போலன்றி இந்த வயர்லெஸ் நெட்வர்கில் (Wireless Network) இரு வழித் தொடர்பாடலே நடைபெறுகிறது. இதனை Full-Duplex எனப்படும்.

images

1998 ஆம் அண்டில் அறிமுகப்படுத்தப்பட்ட வைபை தொழில் நுட்பமானது இன்று வரை பல வளர்ச்சிப் படிகளைத் தாண்டி வந்துள்ளது. தற்போதைய வைபை தொழில் நுட்பத்தில் 300 முதல் 600 அடிகள் அல்லது அதனையும் தாண்டி டேட்டா கம்பியின்றிப் பயணிக்கிறது.

வயரில்லாமல் எங்கிருந்தும் இணையத்தை அணுகக் கூடிய வசதியே வைபை வலையமைப்பின் பிரதான பயனாகக் கருதப்படுகிறது. தற்போது மடிக்கணினி, கையடக்கத் தொலைபேசி போன்ற இடத்துக்கிடம் எடுத்துச் செல்லத்தக்க பல இலத்திரனியல் சாதனங்கள் வைபை வசதியுடன் வெளி வருகின்றன. அதன் மூலம் வைபை ரூட்டர் பயன் படுத்தப்படும் குறிப்பிட்ட ஒரு எல்லைக்குள் எங்கிருந்தும் வயரில்லாமலேயே இணையத்தை அணுக முடியும்.

pocket router

ஒரு வைபை ரூட்டருடன் இணைப்பை ஏற்படுத்த வேண்டுமானால் ஒரு கணினியில் வைபை சிக்னலை அனுப்ப மற்றும் பெறக்கூடிய வைபை அடெப்டர் (Wireless Adapter) எனும் சாதனம் பொருத்தப்படல் வேண்டும். தற்போது வெளிவரும் மடிக் கணினிகள் வைபை அடெப்டர் கார்டுடன் தயாரிக்கப்படுகின்றன. உங்கள் கணினியில் வைபை வசதி இல்லையெனில் யூ.எஸ்.பி போர்டில் பொருத்தக் கூடிய வைபை அடெப்டரை வாங்கிப் பொருத்தலாம்.,

கணினியிலுள்ள வயர்லெஸ் அடெப்டரானது டேட்டாவை ரேடியோ சிக்னலாக மாற்றி எண்டெனா மூலம் அனுப்புகிறது. இந்த சிக்னலைப் பெற்றுக் கொள்ளும் வயர்லெஸ் ரூட்டரானது அதை டீகோட் (decode) செய்து மறுபடியும் இணையத்துடன் வயர்மூலம் தொடர்பு கொள்கிறது. இதே செயற்பாடு மறுதலையாகவும் நடை பெறுகிறது. அதாவது இணையத்திலிருந்து பெறும் தகவலை ரூட்டரானது ரேடியோ சிக்னலாக மாற்றி கணினியிலுள்ள வயர்லெஸ் அடெப்டரை நோக்கி அனுப்புகிறது.

unnamed

வைபை சிக்னல் கிடைக்கப்பெறும் இடங்களை வைபை hotspotஎனப்படும். இந்த வைபை ஹொட்ஸ்பொட்டிலிருந்து இலவசமாகவோ அல்லது கட்டணம் செலுத்தியோ இணையத்தில் இணைந்து கொள்ளலாம். ஒரு ஹொட் ஸ்பொட்டில் இருந்து இணைய சேவையைப் பெறுவதற்கு கணினியில் வயர்லெஸ் எடப்டரைப் பொருத்தியிருக்க வேண்டும். அதன் மூலம் வர்யர்லெஸ் இணைய சேவை உள்ள இடங்கள் கண்டறியப்படுகிறது.

image

பொது மக்கள் பாவனைக்கென வழங்கப்படும் வைபை ஹொட் ஸ்பொட் டுகளை கட்டணமின்றி அணுக முடியும். கட்டணம் செலுத்தி அணுககக் கூடிய ஹொட் ஸ்பாட்டுகள் பாஸ்வர்ட் கொண்டு பாதுகாக்கப்பட்டிருக்கும்.

ஒரே நேரத்தில் பல பேர் இந்த வைபை இணைப்பைப் பயன்படுத்தி இணைய சேவையைப் பெறலாம். எனினும் அதிக அளவிளான இணைப்புகள் ஏற்படுத்தப்படும்போது டேட்டா பயணிப்பதில் குறுக்கீடுகளும் வேகத்தில் மந்த நிலையையும் உணரப்பபட வாய்ப்புள்ளது.

download

கம்பியில்லா கணினி வலயமைப்பைக் குறிக்கும் வைபை தொடர்பாடலிலும் பல விதிமுறைகள் உள்ளன. இவற்றுள் 802.11 என்பது Institute of Electrical and Electronics Engineers (IEEE) எனும் நிறுவனத்தினரால் நிர்ணயிக்கப்பட்ட ஒரு விதி முறையாகும். இந்த விதிமுறைகள் 802.11a, 802.11b, 802.11g, 802.11n என பல வளர்ச்சிப் படிகளைத் தாண்டி வந்துள்ள்ன. 802.11n (வயலெஸ் என்) என்பது 2009 ஆம் ஆண்டின் இறுதிப் பகுதியில் வரையறுக்கப்பட்டதாகும்.

இந்த Wireless  n  – ஆனது 2.4GHz அல்லது 5 GHz அலை வரிசையில் டேட்டாவைக் கடத்துகிறது. இது இதற்கு முந்திய விதிமுறைகளை விட அதிக வேகமாகவும். அதிக தூரம்செல்லத்தக்கதாகவும். உருவாக்கப்பட்டுள்ளது.

கம்பியில்லா வலையமைப்பை இப்போது பலரும் பரவலாகப் பயன்படுத்த ஆரம்பித்துள்ளனர். வீடுகளில் மட்டுமன்றி நூல் நிலையங்கள், .பல்கலைக் கழகங்கள், விமான நிலையங்கள், வணிக வளாகங்கள், ஹோட்டல்கள் போன்ற பல இடங்களில் இந்த கம்பியில்லாத் தொழில் நுட்பம் பயன் படுத்தப் படுகிறது.

wifi

வைபை தொழில் நுட்பத்தின் மூலம் மூலம் இலகுவாக இணையத்தில் இணையும் வசதி கிடைத்தாலும் உரிய பாதுகாப்பு இல்லையெனின் அதன் அருகாமையில் உள்ள எவரும் இந்த வலயமைப்பில் இணைந்து கொள்ளலாம் என்பதை ஒரு பாதகமான விடயமாகக் கருதலாம்.

வைபை தொழில் நுட்பமானது தொடர்பாடலில் பெரிய அளவிலான பங்கை வகிக்க ஆரம்பித்துள்ளதுடன் உலகெங்கும் இணைய பயன்பாட்டில் பாரிய புரட்சியை ஏற்படுத்தியுள்ளது எனலாம்.

-அனூப்-

இதே ஆட்டிக்கல் கோராவில்

About Imthiyas Anoof

Check Also

PRO 48

What is Cross-Over Cable?

Cross-Over Cable  என்றால் என்ன?   இரண்டு கணினிகளை நேரடியாக இணைப்பதற்குக் க்ரொஸ்–ஓவர் கேபல் (cross-over)  பயன்படுகிறது. கணினி வலயமைப்பை …

2 comments

  1. அருமையான விளக்கம். நன்றி.

  2. மிகவும் பயனுள்ள குறிப்புகள் தொடரட்டும் உங்கள் சேவை .

Leave a Reply

Your email address will not be published. Required fields are marked *

You cannot copy content of this page கொப்பி பண்ணாதீங்கய்யா, சுயமா எழுதுங்க!